Við innleiðum og styðjum við markþjálfun í menntakerfinu með það markmið að byggja upp framúrskarandi skólaumhverfi með því að tryggja nemendum, starfsfólki og foreldrum skóla greiðan aðgang að markþjálfun - samfélaginu öllu til heilla!

Við viljum sjá markþjálfun sem eitt af stoðkerfum menntakerfisins á Íslandi.

Bettý.jpg

Nafn:

Bettý Gunnarsdóttir

Starf:

Þroskaþjálfi í Barnaskóla Hjallastefnunnar Vífilsstöðum.

Menntun og reynsla:

BA í Þroskaþjálfafræðum, ACC markþjálfi (er í endurnýjunarferli hjá ICF), jógakennari og vedalist kennari. Hefur unnið með börnum í leik-og grunnskóla, sinnt stoðþjónustu, unnið í teymum fyrir börn með sérþarfir, starfað með kennurum í bekk og kennt jóga og núvitund.

Af hverju markþjálfun?

Því markþjálfa ferlið vinnur að opnun á möguleikum og tækifærum sem oft eru beint fyrir framan okkur. Það er mín reynsla að þegar við vitum hvaða skref við viljum taka þá stígum við þau hratt og örugglega. 

Heimasíða: www.markthjalfahartad.is

  • Facebook
  • Instagram
profile_mynd_Ásta.jpg

Nafn:

Ásta Guðrún Guðbrandsdóttir

Starf:

Markþjálfi, sjálfstætt starfandi

Menntun og reynsla:

PCC vottaður Markþjálfi, leiðbeinandi í grunn - og framhaldsmarkþjálfanámi hjá Evolvia ehf, námskeiðshaldari, fyrirlesari, Krakkajógakennari, Jóga Nidra kennari og gleði lífskúnstner.

Af hverju markþjálfun?

Það er einsog það sé lífskrafturinn minn og tilgangur að markþjálfa. Ég finn fyrir svo miklum krafti í samtölunum sem eru umbreytandi fyrir mig og þann sem sækir markþjálfun til mín. Þetta er mín leið að gera heiminn en betri.

Heimasíða: www.hverereg.is

  • Facebook
  • Instagram
42194091_1688403864602368_70470620071780

Nafn:

Rakel Baldursdóttir

Starf:

Markþjálfi, sjálfstætt starfandi. 

Menntun og reynsla:

ACC vottaður Markþjálfi, NBI leiðbeinandi – Whole Brain Coach, Climate Change Coach, stýri Markþjálfum jarðar sem snýr að markþjálfun í sambandi við loftslagsbreytingar. Hef verið einn af markþjálfum Ignite verkefnis Markþjálfahjartans frá upphafi.

Af hverju markþjálfun:

Markþjálfun er magnað tæki til að gera gott betra, umbreyta og efla. Í gegnum markþjálfun hef ég verið svo lánsöm að verða vitni að því að sjá einstaklinga dafna, vaxa og gera hluti sem þá óraði ekki fyrir að þeir gætu gert, upplifa drauma sína, finna nýjar lausnir og uppgötvanir. Ég hef einnig fundið í eigin lífi hvað markþjálfun gagnast afar vel börnum með sérþarfir, en ég er móðir tveggja drengja sem eru báðir með ADHD og annar á einhverfurófi sem nýtir sér markþjálfun óspart til að vinna með þegar hindranir eru í veginum. Markþjálfun hefur gert mitt líf innihaldsríkara á alla vegu.

þorgerður.jpg

Nafn:

Þorgerður Elín Brynjólfsdóttir 

Starf:

Grunnskólakennari, verkefnisstjóri og markþjálfi.  

Menntun og reynsla:

B.ed grunnskólakennari, hef lokið grunn- og framhaldsnámi í markþjálfun frá Evolvia ehf. Hef starfað í leik- og grunnskóla í 20 ár og sinnt kennslu á mið- og elsta stigi. Setið í nefndum og ráðum í grunnskóla og tekið virkan þátt í félagsstarfi barna og fullorðinna. 

Af hverju markþjálfun:

Fór í markþjálfanám til þess að efla mig sem einstakling. Í náminu uppgötvaði ég töfra markþjálfunar í samtali við aðra og hef séð hvernig markþjálfun lyftir fólki upp og kemur því nær sjálfum sér og markmiðum sínum. 

Ingunn Ásta.jpg

Nafn:

Ingunn Ásta Sigmundsdóttir

Starf: 

Kennari í námsveri á unglingastigi og markþjálfi Háteigsskóla og sjálfstætt starfandi markþjálfi hjá ÁS markþjálfun og fræðslu

Menntun og reynsla: 

ACC vottun markþjálfunar frá ICF - hef lokið grunn- og framhaldsnámi í markþjálfun. Kennsluréttindi í grunn- og framhaldsskóla. BA í uppeldis- og menntunarfræði. Ýmis önnur námskeið tengdi starfi mínu og persónulegum þróunarsviðum

Af hverju markþjálfun? 

-Markþjálfun er frábært tæki til sjálfskoðunar og valdeflingar á forsendum hvers og eins. Áhrif aðferðarinnar kristallast í umbreytingum sem verða á sjálfi og lífi marksækjanda í kjölfar markþjálfunarsamtala. Það er magnað að sjá hvað gerist þegar fólk fær rými til að tengja við sinn innsta kjarna og taka ákvarðanir um líf sitt út frá kjarnanum. Gæfusporin, sem kortlögð eru í kjarnanum sjálfum, mynda að lokum fallegan farveg fyrir nýjar áherslur og nýja möguleika hjá viðkomandi. Helsti kostur markþjálfunar er, að það sem þú leitar að býr allt innra með þér nú þegar - þú þarft bara að finna það! 

-Markþjálfun er ein leið til að efla nemendur, unga sem aldna, og hefur þegar sannað gildi sitt. Mikil umræða hefur skapast um stöðu drengja í skólakerfinu að undanförnu, en markþjálfun hentar þeim vel til að bæta námslega stöðu sína, efla innri áhugahvöt, setja sér markmið, fylgja þeim eftir á skilvirkan hátt og ná þeim! Ég brenn fyrir því að markþjálfun verði aðgengileg fyrir alla aðila skólakerfisins, nemendur, starfsfólk og foreldra.